१७ जून २०२३ ला असलेल्या राजमाता माँसाहेब जिजाऊ स्मृतिदिनानिमित्त साहित्यिक प्रा.अरुण बाबारावजी बुंदेले लिखित
” राजमाता माँसाहेब ” हे वंदनगीत वाचकांसाठी येथे प्रकाशित करीत आहोत .
———————————–
वंदनगीत राजमाता माँसाहेब
वंदन राजमाता माँसाहेबांना।
नमन करू या तव चरणांना ॥धृ॥
जिजाऊ शिवबांची गुरू नी माता।
राजघराण्याची थोर राजमाता।
शिवरायांची विवेकी वीर माता।
जिजाऊ सत्कर्माची करू अर्चना।१।
शिवराय संभाजींची मार्गदाता।
ह्रदयी वत्सलता नि मानवता।
सुस्वराज्याच्या अभ्युदयाची चिंता।
मातेच्या कार्याची करू आराधना।२।
धैर्यशील- न्यायप्रिय राजमाता।
माँसाहेबांच्या स्वराज्यात समता।
आदर्श प्रशासनाची एक दाता।
स्मरणकरू जिजाऊंच्या स्मृतींना।३।
-प्रा.अरुण बाबारावजी बुंदेले, रुक्मिणी नगर,अमरावती.भ्र.ध्व.८०८७७४८६०९.
Add Comment