क्रांतीसुर्य बिरसामुंडा यांच्या 147 वी जयंती निमित्ताने घाटंजी येथे भव्य मिरवणूक

 तालुका प्रतिनिधी/घाटंजी
अमोल नडपेलवार

क्रांतीसुर्य बिरसामुंडा यांच्या 147 वी जयंती निमित्ताने घाटंजी येथे भव्य मिरवणूक

घाटंजी:.क्रांतीसुर्य बिरसामुंडा
यांच्या 147 वी जयंती निमित्ताने 15
नोव्हेंबर 2022 रोजी घाटंजी शहरात बिरसामुंडा जयंती उत्सव समितीच्या वतीने विविध कार्यक्रम तसेच भव्य मिरवणूकीचे आयोजन करण्यात आले . क्रांतीसुर्य बिरसामुंडा हे भारताच्या स्वातंत्र्य लढ्यातील आद्य क्रांतिकारक असुन आदिवासी समाजाचे प्रेरणास्थान आहे. अशा महामानवाच्या जयंती निमित्त घाटंजी तालुक्यातील विविधआदिवासी संघटनाच्या वतीने शहरातुन पारंपारिक लोकनृत्य व वाद्या सह
भव्य मिरवणूकीचे आयोजन केले. मिरवणूकीला समाजबांधव मोठ्या संख्येने सहभागी झाले होते. सर्वप्रथम बिरसामुंडा चौक घाटी येथे पुजन व समाज प्रबोधन करण्यात आले यात मान्यवरांनी बिरसामुंडा यांच्या जिवनावर प्रकाश टाकला.नंतर पारंपरिक लोकनृत्य व वाद्या सह शहरातील मुख्य ठिकाणांवरुन फिरत शेवटी शिवाजी चौकात मिरवणूकीची सांगता करण्यात आली. मिरवणूकीचे आयोजन आँल इंडिया आदिवासी एम्प्लॉईज फेडरेशन, आदिवासी जेष्ठ नागरिक संघटना, अखिल भारतीय परधान समाज संघटना, आँल इंडिया आदिवासी पिपल् फेडरेशन,आदिवासी विद्यार्थी परिषद, जय जंगो जय लिंगो महिला विकास संस्था, बिरसा ब्रिगेड ,आंध समाज संघटना, शामादादा कोलाम समाज संघटन तसेच घट्या महाजन कारभारी भुमक कमेटी याच्या वतीने करण्यात आले होते.