नवरात्रीमध्ये गरब्यादरम्यान फिल्मी गाणी वाजवू नका

नवरात्रीमध्ये गरब्यादरम्यान फिल्मी गाणी वाजवू नका

हिंदु जनजागृती समितीचा दुर्गा मंडळांना इशारा

कोरोनाच्या कालावधीनंतर यंदा शहरात नवरात्रोत्सवाची धूम पाहायला मिळत आहे. त्यासाठी रात्री दुर्गा मंडळांकडून गरब्याचेही आयोजन करण्यात आले आहे. सर्वत्र धार्मिक वातावरण आहे. मात्र काही वर्षांपासून गरबा नृत्यासाठी पारंपरिक गाण्यांपेक्षा चित्रपटातील गाण्यांचा अधिक वापर केला जात आहे. हिंदू जनजागरण समितीचे सदस्य आणि नागरिकांनी काही चित्रपटातील गाणी आक्षेपार्ह असल्याने आक्षेप घेतला. अशा प्रकारची गाणी वाजवून तरुणाई पारंपारिक देवीची गाणी विसरून फिल्मी गाण्यांवर नाचत असल्याने धर्म संस्कृतीचेही उल्लंघन होत आहे. त्यामुळे गरब्याच्या वेळी फिल्मी गाणी वाजवू नयेत, असा इशारा शहरातील हिंदू जनजागरण समितीने दुर्गा मंडळांना दिला होता. ज्यावर दुर्गा मंडळानेही चित्रपटातील गाणी न वाजवण्याचा निर्णय घेतला.

सार्वजनिक सण-उत्सवांदरम्यान होणारे दारू, जुगार, अश्‍लील नृत्य आदी प्रकार रोखण्यासाठी हिंदु जनजागृती समिती प्रयत्नशील आहे. उत्सवाचे पावित्र्य अबाधित राखण्यासाठी तसेच उत्सवात कोणताही अनुचित प्रकार घडू नये यासाठी सार्वजनिक मंडळांनी प्रयत्न करावेत, असे आवाहन हिंदु जनजागृती समितीच्या वतीने करण्यात आले आहे